Të shtëna me armë gjatë natës në Pukë, dyshohet se u qëllua nga një makinë

Të shtëna me armë zjarri janë dëgjuar në qytetin e Pukës gjatë natës. Të shtënat janë dëgjuar rreth orës 12:40 pas mesnate disa metra larg Hotel Turizmit në Pukë.

Policia ka gjetur dy gëzhoja pistolete pasi ka mbërritur në vendin e ngjarjes, njofton BW, ndërsa nuk janë identifikuar ende autorët.

Sipas informacioneve të para, të shtënat me armë kanë ardhur nga një makinë në lëvizje. Paraprakisht dyshohet se ngjarja ka sfond politik, gjithsesi do të jenë hetimet e policisë që do të zbardhin incidentin.