Shitblerja e votës/ Vukaj ngre alarmin në KQZ: Presione nga krimi. Rrumbullaku të marrë masa!

Pak ditë nga zgjedhjet lokale të 14 majit, anëtarja e Komisionit Rregullator të Zgjedhjeve, Helga Vukaj ngriti alarmin për fenomenin e shitblerjes së votës. Sipas saj administrata publike në bashkëpunim me grupet kriminale janë angazhuar në terren për sigurimin e votave  për PS. Ajo i bëri thirrje drejtorit të Përgjithshëm të Policisë së shtetit, Muhamet Rrumbullakut që të marrë menjeherë masa, në mënyrë që të mos përsëritet skenari i Elbasanit.

SYRI TV

Anëtarja e Komsionit Rregullator të Zgjedhjeve pranë KQZ, Helga Vukaj ngriti në mbledhje shqetësimin për fenomenin e shitblerjes së votës. 

Teksa iu referua denoncimeve nga terreni, Vukaj deklaroi se punojësit e administratës dhe drejtuesit e njësive administrative janë angazhuar për blerjen e votave duke u mbledhur qytetarëve kartat e identitetit.

Por situata sipas saj është ende edhe me e rëndë, kur në lojë futen edhe grupet kriminale.

Përballë kësaj situate, Vukaj i bëri thirrje Drejtorit të Përgjithshëm të Policisë së Shtetit, Muhamet Rrumbullaku që të survejohen grupet kriminale, dhe të shtohet forca policore në terren, në mënyrë që të mos përsëritet skenari i Elbasanit në zgjedhjet e 2021.

Po ashtu vukaj i bëri thirrje edhe misionit të OSBE/ODIHR që të survejojnë mungesën e punonjësve të administratës në institucione, dhe angazhimit të tyre të plotë në fushatë.