VIDEO/ Ultrasit e PSG-së rrethojnë shtëpinë e Neymar

Tifozët e PSG-së shkuan në shtëpinë e Neymar për të rrethuar banesën e tij dhe për të kërkuar që ai të largohej nga klubi.

Neymar iu përgjigj ngacmimeve me një mesazh në Instagramin e tij, pasi tifozët e klubit francez e çuan protestën e tyre kundër hierarkisë së klubit te lojtarët.

“Mos lejoni që të tjerët t’ju sjellin në stuhinë e tyre, sillni ata në paqen tuaj”, ndau Neymar me më shumë se 208 milionë ndjekës në Instagram.

Ultrasit e PSG-së fillimisht ofenduan Lionel Messin në zyrat e klubit parizian, përpara se të kalonin në shtëpinë e Neymar.

PSG i dënoi këto akte, pavarësisht se e ndëshkoi Messin për një udhëtim të paautorizuar në Arabinë Saudite.

“PSG dënon me termat më të ashpër aktet dhe fyerjet e patolerueshme të një grupi të vogël individësh që ndodhën të mërkurën. Sido që të jenë dallimet, asgjë nuk mund t’i justifikojë këto akte. Klubi shpreh mbështetjen e tij për lojtarët, drejtuesit dhe të gjithë ata që janë të prekur nga kjo sjellje e turpshme”, thuhet në deklaratën e klubit.

📸 PSG fans in front of Neymar's house pic.twitter.com/wXgIOBNM6M

— ParisienTimes (@parisientimes) May 3, 2023