Pyetja që i bëri Ancelotti-t i kushtoi shtrenjtë, gazetarja spanjolle bën denoncim në polici

Prezantuesja televizive spanjolle Maria Moran ka denoncuar në polici se ka marrë ofendime dhe kërcënime për shkak të pyetjeve që i bëri Carlo Ancelottit në konferencën për shtyp.

Tifozët e Real Madridit janë shqetësuar nga një pyetje për Vinicius, i cili konsiderohet një futbollist teatror, ​​i prirur për provokime dhe protesta ndaj arbitrave.

“A mendoni se Vinicius mund ta përdorte kartonin e kuq si leksion për protesta të vazhdueshme ndaj arbitrave?”, pyeti gazetarja trajnerin e Realit, i cili iu përgjigj:

"Një karton i kuq? Ai nuk ka nevojë për një të kuq, me gjithë të verdhët që mori, mjafton", u përgjigj Ancelotti.

Estos son algunos de los muchos comentarios que estoy recibiendo por realizar mi trabajo de periodista. Mi hija tiene 18 meses. pic.twitter.com/9wpljS0NdJ

— María Morán (@Mariamoranh6) May 1, 2023

Pak ditë më vonë, Maria Moran u fye dhe u ofendua rëndë në Twitter, të cilat i raportoi në polici dhe i publikoi në rrjetet sociale.

“Që po më përdhunojnë, se vajza ime është bastarde, se po shajnë fëmijën... Gjithçka e kam denoncuar në Policinë Kombëtare”, ka njoftuar Maria në Twitter.

Meqë ra fjala, Moran ka qenë më parë në një lidhje me ish-portierin e Barcelonës, Jasper Cillessen, me të cilin ka një fëmijë.