Angelina Jolie: Djali i saj Maddox e shoqëroi në Shtëpinë e Bardhë
Angelina Jolie dhe djali i saj Maddox ishin ndër personalitetet që morën pjesë në darkën e Shtëpisë së Bardhë në Uashington.
Këtë vit, Presidenti Joe Biden dhe Zonja e Parë Jill pritën presidentin e Koresë së Jugut, Yoon Suk-yeol dhe gruan e tij Kim Keon-hee për të festuar 70-vjetorin e aleancës së SHBA-së me Republikën e Koresë së Jugut.
Aktorja 47-vjeçare dhe fëmija i saj më i madh, 21 vjeç, patën nderin të shikonin Presidentin Yoon duke kënduar hitin e Don McLean të vitit 1971 "American Pie".
Maddox - të cilin aktorja e adoptoi nga Kamboxhia në vitin 2002 - ka studiuar në Korenë e Jugut për biokimi në Universitetin Yonsei në Seul.
Angelina shoqëroi djalin e saj në Korenë e Jugut për kolegj në gusht 2019.
Ata vizituan fillimisht shkollën, si dhe kampuset e tjera në Korenë e Jugut, në fund të 2018.
Megjithëse ai u "pranua në universitete të tjera", Maddox përfundimisht vendosi që Yonsei ishte i përshtatshëm për të, raportoi People në atë kohë.
Së bashku me orët e tij të biokimisë, Maddox "studonte gjuhën koreane".
Për shkak të pandemisë, Maddox ndërpreu studimet jashtë vendit dhe i vazhdoi ato online.