VIDEO/ Pamje nga ajo çfarë la shembja e një garazhi të parkimit në Nju Jork, një person vdiq

Një garazh parkimi me katër kate u shemb dje në Manhatan, Nju Jork, pranë Universitetit Pace, duke vrarë të paktën një punëtor dhe duke lënduar pesë persona, thanë autoritetet. Zjarrfikësit u tërhoqën nga struktura e shembur për shkak të kushteve të paqëndrueshme dhe kërkimi për të tjerët tani po kryhet duke përdorur pajisje robotike.

“Ne nuk kemi asnjë arsye të besojmë se ishte diçka tjetër përveç një kolapsi strukturor”, u tha gazetarëve shefi i policisë së qytetit, Keechant Sewell. Pamjet nga ngjarja të shfaqura nga CBS dhe ABC tregojnë një operacion shpëtimi në vazhdim dhe vetura të shumta të vendosura mbi njëra-tjetrën në garazhin e shembur. 

Një person ka mbetur i vdekur në vend dhe katër të tjerë janë dërguar në spital për shkak të plagëve të marra. Një person i lënduar refuzoi kujdesin mjekësor, tha John Esposito, shefi i operacioneve të zjarrit për Departamentin e Zjarrfikësve të Nju Jorkut. Ai tha se të gjashtë ishin punëtorë që ndodheshin aty në momentin e shembjes.