Autori që krijoi foto me inteligjencë artificiale refuzon çmimin

Midis fituesve të "Sony World Photography Awards" , një nga konkurset kryesore vjetore të fotografisë në botë, është një fotografi bardh e zi e dorëzuar nga fotografi gjerman Boris Eldagsen .

Fotoja titullohet "Pseudomnesia - Elektricisti" , duket se është marrë në vitet 1940, portretizon dy gra dhe ishte i pari në kategorinë "Kreativiteti" të rubrikës së hapur. 

Megjithatë, imazhi nuk është marrë nga Eldagsen, por është krijuar nga Stable Diffusion, një nga teknologjitë më të avancuara të bazuara në inteligjencën artificiale, e cila krijon imazhe duke filluar nga një komandë e shkruar nga një njeri. 

Eldagsen e refuzoi çmimin, duke shpjeguar në blogun e tij se ai hyri në konkurs për të hapur një debat mbi temën dhe për të kuptuar "nëse çmimet e mëdha të fotografisë janë gati për imazhet e krijuara me inteligjencë artificiale: nuk janë".

Pas fotove “false” të Papës dhe arrestimit të Donald Trump , ky rast është i destinuar të ndezë debatin për inteligjencën artificiale gjeneruese. 

Organizatorët e çmimit i thanë BBC News se meqenëse Eldagsen ka vendosur të refuzojë çmimin, ata "kanë pezulluar aktivitetet me të  në përputhje me dëshirat e tij" e kanë "hequr atë nga konkursi".

Përdorimi i inteligjencës artificiale në çdo gjë, nga shkrimi i këngëve dhe shkrimi i esesë deri te zhvillimi në mjekësi është debatuar gjerësisht muajt e fundit. 

Nuk është çmimi i parë artistik i fituar nga një inteligjencë artificiale: gushtin e kaluar një vepër e krijuar nga Midjourney fitoi konkursin e Panairit Shtetëror të Kolorados