Rrufeja ‘shembi malin’, rrëshqitje masive të dheut në Pakistan, dy të vdekur
Të paktën dy persona gjetën vdekjen dhe disa të tjerë janë lënduar pasi një rrëshqitje e madhe dheu “varrosi” disa automjete në Pakistanin veriperëndimor herët të martën.
Sipas mediave të huaja, rreth 20 kamionë të ngarkuar me kontejnerë dhe mallra “u varrosën” në rrëshqitjen e dheut pranë Torkham, një vendkalim kyç kufitar midis Pakistanit dhe Afganistanit, sipas një zyrtari.
Operacionet e kërkimit janë duke u zhvilluar dhe të paktën tetë persona janë shpëtuar, ka thënë Bilal Ahmed Faizi, zëdhënës i shërbimit të shpëtimit.
“Është një rrëshqitje masive dheu dhe rreth 20 ose më shumë kamionë dhe kontejnerë janë varrosur. Ne nuk e dimë sa njerëz janë në kamionë”, ka shtuar ai.
Ai tha se dy viktima janë konfirmuar “por numri i të vdekurve mund të rritet më tej”.
Faizi tregoi se rruga është mbyllur për trafikun dhe qindra automjete janë bllokuar në të dyja anët e kufirit.
Sipas raporteve lokale, një pjesë masive e një mali ra pasi u godit nga rrufeja gjatë shiut të dendur dhe stuhive në zonë.
Following the landslide caused by thunder lightning at Pak-Afghan Border, in a latest update Pakistan Army rescue operations are underway in full swing.
— Mehr Ahmad Khan (@facts_pak26) April 18, 2023
Rescue Op is underway with firm resolve to continue till all the bodies r recovered.#Torkham #Peshawar #PakArmyZindabad #ISPR pic.twitter.com/Eh9wa5YVZ6