A do të kthehet Messi te Barcelona? Ja përgjigja e prerë e Laporta për tifozët katalanas
Joan Laporta vazhdon të ushqejë mundësinë e kthimit të Lionel Messit te Barcelona. Presidenti Blaugrana iu përgjigj pyetjeve të tifozëve mbi këtë temë. Shtatë herë fituesi i “Topit të Artë” u largua nga “Camp Nou” në verën e vitit 2021 si lojtar i lirë, pasi u bë e qartë se fondet nuk ishin në dispozicion për ta lidhur atë me një kontratë të re.
Më pas argjentinasi bëri transferimin e bujshëm te PSG, ku pritet të luajë deri në fund të këtij sezoni, pa e zgjatur marrëveshjen më tej. Pas eksperiencës në Francë po përforcohet çdo ditë e më shumë ideja e kthimit emocional te Barcelona.
Ndërkohë, kryesuesit aktualë të La Liga-s kërkojnë të kthejnë “djalin plangprishës” në shtëpinë e tij shpirtërore. Laporta vazhdon të pyetet për këtë çështje dhe duket se iu ka lënë të kuptohet mbështetësve se po eksplorohet një goditje mahnitëse.
Laporta u pyet nga një tifoz përpara barazimit 0-0 të Barçës në Getafe, të dielën, nëse Messi mund të kthehej në “Camp Nou”, me drejtuesin e lartë Blaugrana që u përgjigj: “Po”. Barcelona ende duhet të ulë kostot në mënyrë që të bëjë të mundur kthimin e Messit.
Për këtë pritet të kryhen shitjet e verës. Ka një vendosmëri nga ana e drejtuesve të klubit katalanas për ta rikthyer të madhin e të gjitha kohërave në “Camp Nou”, pasi më parë e panë atë të shënonte 672 gola për Barcelonën në 778 ndeshje.
‼️ ¿Y Negreira?
— Carrusel Deportivo (@carrusel) April 16, 2023
-Ahora, ahora verás.
?? Messi, ¿al Barça?
-Sí.
? ¿Tranquilo para mañana?
-Y tanto.
? Las palabras del presidente del @FCBarcelona, @JoanLaportaFCB, antes de la rueda de prensa por el 'Caso Negreira' destapado por @la_ser pic.twitter.com/XllzzdqGV9