FOTO/ Blushi takim në Pustec: Programi i Pandi Janit për rikthimin e bashkisë në shërbim të qytetarëve

Sekretari i Përgjithshëm i Partisë së Lirisë, Tedi Blushi, së bashku me të deleguarin e PD-së, Edmond Spaho kanë zhvilluar një takim në Pustec, ku i pranishëm ishte edhe kandidati për kryebashkiak, Pandi Jani.

‘Komuniteti i mrekullueshëm, shumë i dashur dhe punëtor maqedonas e ka përqafuar Ndryshimin dhe qartazi do të votojë për të më 14 Maj’, shkruan Blushi në Facebook.

Reagimi i Tedi Blushit:

Një takim super entuziast në Pustec, me Kryetarin e ardhshëm të Bashkisë, Pandi Jani dhe me strukturat e Shtabit të përbashkët të Koalicionit "Bashkë Fitojmë", ku merrte pjesë edhe deputeti, Edmond Spaho.

Komuniteti i mrekullueshëm, shumë i dashur dhe punëtor maqedonas e ka përqafuar Ndryshimin dhe qartazi do të votojë për të më 14 Maj.

Programi i shkëlqyer i Pandi Janit për rikthimin e Bashkisë Pustec në shërbim të plotë të qytetarëve, në veçanti të të rinjve, për taksa dhe tarifa të ulta dhe për më shumë zhvillim të turizmit janë garanci për fitoren e padiskutuar.

Me një përfaqësues të tyre të spikatur dhe me shumë vlera si Pandi Jani, i cili çdo ditë do të jetë në krye të punëve për një të ardhme më të mirë të qytetarëve dhe bashkëkombasve të tij, Pusteci do të marrë shkëlqimin e merituar, në mbështetje të angazhimin tonë konstant për ruajtjen e identitetit, vlerave e traditave të vyera të minoritetit maqedonas.

Bashkë Fitojmë në Pustec dhe në të gjithë Shqipërinë!

#PartiaeLirise #BashkeFitojme #PandiJani #Pustec #14Maj #Fitore #NdryshimMeCdoCmim