ISW: Rusia do të rekrutojë ushtarë në rajonin e Luhanskut
Kreu rus i Luhanskut ka nënshkruar një dekret që autorizon rekrutimin e ushtarëve gjatë pranverës dhe vjeshtës.
Qyteti lindor i Ukrainës u pushtua nga forcat ruse vitin e kaluar dhe u aneksua me vendimin e presidentit rus, Vladimir Putin pas një serie referendumesh të rreme, të cilat janë konsideruar të paligjshme nga Ukraina dhe Perëndimi.
Rusia i referohet rajonit si Republika Popullore e Luhanskut, por kjo nuk njihet nga bota perëndimore.
Dekreti thotë se cikli i rekrutimit pranveror në Luhansk do të përputhet me atë pranveror rus, i cili do të zgjasë nga 1 prilli deri më 15 korrik, tha Instituti amerikan për Studimin e Luftës (ISW).
Megjithatë, duke pasur parasysh se ky cikël ka vazhduar tashmë për më shumë se dy javë, është e paqartë se si autoritetet planifikojnë të zbatojnë rekrutimin.
Është gjithashtu e paqartë se ku do të shërbejnë këta rekrut, pasi autoritetet ruse kanë mohuar se rekrutët e tjerë do të luftojnë në Ukrainë.
“Njoftimi i Leonid Pasechnik bie ndesh drejtpërdrejt me pretendimin e Kryetarit të Komitetit të Mbrojtjes të Dumës, Andrei Kartapolov, më 30 mars se rekrutimi nuk do të ndodhë në Ukrainën, duke theksuar mungesën e koordinimit dhe planifikimit të qëndrueshëm midis organeve të qeverisë ruse dhe përjashtimin e autoriteteve ligjore nga proceset vendimmarrëse”, tha ISW.
#Russian Mobilization and Force Gen. Update:#Luhansk People’s Republic (LNR) head Leonid Pasechnik signed a decree on April 14 authorizing spring and fall conscription in occupied Luhansk Oblast. 1/https://t.co/qFzrIGor9e pic.twitter.com/41q3sWll43
— ISW (@TheStudyofWar) April 16, 2023