Show i stilit 'alla Cosa Nostra'/ Varrmihësit e bashkive me lopata në duar

Qershor 2022, u ngrit për herë të parë në 30 vite alarmi i falimentimit të bashkive. 

Alarmin nuk e ngriti opozita, e ngriti vetë ai, Edi Rama. 

Asnjë bashki në vend nuk ka krijuar një burim të ardhurash të pavarur dhe që lidhet me tregun. Korrupsioni i lartë dhe abuzimi bëri që Rama të fliste publikisht për falimentim të bashkive. 

Kavaja dhe Vora ishin në gjendje më të keqe financiare. Të dy kryetarët e këtyre bashkive janë rikandiduar nga Rama. Të dy ishin sot me lopata në dorë në sheshin "Skënderbej". 

Vetë Rama, ministri i Brendshëm, Çuçi dhe ministrja e Financave, Ibrahimi deklaruan se mbi 50% e bashkive ishin në prag falimenti, plot 35 prej tyre. 

Thuajse 80% e kryebashkiakëve që falimentuan bashkitë janë rikandiduar nga Edi Rama. Kush e detyron KM të rikandidojë njerëz që janë provuar si falimentues të bashkive? 

Krimi? Paraja e kandidatëve, apo çfarë? 

Kaq mjafton për shqiptarët për të kuptuar talljen dhe show-n e stilit “alla Cosa Nostra” të Ramës sot në çeljen e fushatës elektorale.