Gjesti i Martinez në finalen e Kupës së Botës, Ceferin komenton situatën: Messi duhej ta kishte ndaluar

Kanë kaluar 4 muaj që kur Argjentina ngrite trofeun e Kupës së Botës në Katar. Mes shumë ngjarjeve që shënuan atë mbrëmje dhjetori në Doha ishte dhe gjesti i portierit të “albiçelestëve”, Dibu Martinez.

Por edhe pse duket një histori e largët ajo vazhdon të diskutohet. Mes atyre që janë shprehur kundër gjestit të portierit argjentinas ka qenë dhe presidenti i UEFA-s, Aleksandër Ceferin.

Këtë e kanë zbuluar dy autorët e librit “Messianico”, Sebastian Fest dhe Aleksandër Zhuliar. Në rrëfimin për ta, numri një i UEFA-s është shprehur: “Mendoj se Messi duhet të kishte bërë diçka më shumë në atë moment. Duhej ta kishte ndalur Dibu Martinezin të mos e bënte atë gjest”.

Për më shumë Ceferin ka shpjeguar se mos ndërhyrja e Messit ishte dhe një ofendim për shokun e tij te PSG-ja, Kylian Mbappe.