Ora 11:00/ Berisha prezanton sot Igli Carën, kandidatin për kryebashkiak të Durrësit

Sot në orë 11:00, kryetari i PD, Sali Berisha, do të prezantojë Igli Carën, kandidatin e koalicionit “Bashkë Fitojmë” për bashkinë e Durrësit. Njoftimi u bë nga Partia Demokratike. Ndërkohë, vetë kandidati i ftoi qytetarët e Durrësit:

"Ju ftoj të bëhemi bashkë të shtunën, më datë 8 prill, ora 11:00, në Pallatin e Sportit 'Ramazan Njala' , për të nisur një rrugëtim të ri, për Durrësin, për familjen, për të ardhmen!
Na nderon me pjesëmarrjen e tij dhe Prof. Dr. Sali Berisha. Ti bën ndryshimin!".