Kërcënoi qytetarin në publik, kryebashkiaku i PS: E kapa për fyti që t'i tërhiqja vëmendjen...
Kryetari aktual i bashkisë Pukë, Gjon Gjonaj ka shfaqur tërë frustrimin e tij në ditët e fundit të drejtimit të qytetit ndaj një intelektuali të njohur në zonë.
"Mos të të shoh...se për krye të fëmijëve të bëj të çuditesh. Po ik ore...", dëgjohet t'i drejtohet Gjonaj, qytetarit.
Por shumë e rëndë është edhe qëndrimi i punonjësit të Policisë së Shtetit që rri e vështron ndërkohë që kreu i bashkisë kërcënon një përson, i cili siç mëson Syri.net është mësues në zonë. E gjitha kjo siç duket ka lidhje edhe me 14 majin por edhe sepse është pasqyrimin i një qeverisje arrogante të rilindjes.
Ndërkohë në një reagim për mediat, Gjonaj tha se po i tërhiqte vëmendjen.
“Unë jam korrekt në gjithçka, ajo është një video e sajume, ai është njeri imi në fakt. Unë po konsultohesha me qytetarin, nuk ka pasur fare lidhje me zgjedhjet dhe me fushatën, është e turpshme që kjo po përdoret. Është trajner i ekipit të fëmijëve, personi në fjalë është njeriu im.
Nuk ka pasur asnjë shkak që unë të përfshihesh në përplasje aty, ai është personi përgjegjës për ekipet e moshave, i tërhoqa vëmendjen që të mos i krijonte asnjë problem fëmijëve. Këta i sajojnë dhe duan që t'i përdorin në fushatë.
Vetëm indiferentizmi i policit tregon se sa e eksitume ka qenë gjendja aty, nuk ka pasur asnjë lloj problemi. Ska asnjë arsye për me e verifiku, se nuk bëhet fjalë as për konflikt dhe për asgjë”, u shpreh Gjonaj.