Jeb Bush e quan 'shumë politike', aktakuzën e jurisë së madhe ndaj Donald Trump

Ish-guvernatori i Floridës, Jeb Bush, tha të shtunën se vendimi i një jurie të madhe në Manhattan për të paditur ish-presidentin Donald Trump gjatë garës së tij të 3-të për Shtëpinë e Bardhë është ‘shumë politike’ dhe ‘jo një çështje e drejtësie’.

Bush, i cili sfidoi Trumpin për nominimin presidencial të republikanëve në vitin 2016, vuri në dukje me një postim në Twitter se, Trump ishte paditur për rastin me të cilin prokurorët e tjerë refuzuan të hetonin më tej, përpara se zyra e Prokurorit të Qarkut të Manhattan, Alvin Bragg, vendosi ta ringjallte këtë hetim kohët e fundit.

‘Paraardhësi i Bragg nuk e mori çështjen. Departamenti i Drejtësisë nuk e mori çështjen. Bragg fillimisht tha se nuk do ta merrte çështjen.

Kjo është shumë politike, jo çështje drejtësie,’ shkruan në një postim në Tëitter, djali i dytë i ish-presidentit George H.W. Bush.

‘Në këtë rast, le të jetë juria një votues’, shtoi ai.

Bragg’s predecessor didn’t take up the case. The Justice Department didn’t take up the case. Bragg first said he would not take up the case. This is very political, not a matter of justice. In this case, let the jury be the voters.

— Jeb Bush (@JebBush) April 1, 2023

Akuzat e sakta të dosjes janë ende të vulosura, por avokati i Trump, Joe Tacopina tha të enjten në mbrëmje, se ish-presidenti mund të përballet me më shumë se 30 akuza javën e ardhshme, kur të dalë në gjyq.

Bragg ka hetuar Trump për pagesat e parave të heshtura të bëra përpara zgjedhjeve presidenciale të vitit 2016. Këto përfshijnë pagesën prej 130,000 dollarësh për aktoren e filmave për të rritur, Stormy Daniels, dhe pagesën prej 150,000 dollarësh për ish-modelen e Playboy, Karen McDougal.