Bëhen bashkë legjendat e brezit më të suksesshëm në historinë e Arsenalit, dy emra krijojnë konfuzion
Fotoja me shumë legjenda të skuadrës ikonë të Arsenalit tërhoqi shumë vëmendjen e fansave dhe është publikuar në profilin e Ian Wright në Instagram.
Legjendat e Arsenalit, duke përfshirë Thierry Henry, Ian Wright dhe disa nga të famshmit "Të pathyeshëm" u mblodhën për darkë dhe me atë rast u shkrep një foto që solli buzëqeshjen në fytyrën e shumë tifozëve të Topçinjve, por edhe atyre që nuk janë.
Përveç "Invincibles", Wright, Ray Parlor dhe Patrick Vieira përfaqësonin brezin që fitoi kurorën e dyfishtë në 1998.
Wright ndau foton me miqtë dhe mbishkrimin e saj: "Darkë e bukur me djemtë", dhe në mesin e atyre që i përgëzuan ishte lojtari më i mirë i Arsenalit në ditët e sotme, Bukayo Saka.
Tifozët nuk e kishin problem të identifikonin grupin e madh të njerëzve që ishin mbledhur për darkë.
Megjithatë, dy emra shkaktuan disa probleme. Njëri është Darren Dein, i cili qëndron në të djathtë të Henris dhe është menaxheri i tij dhe djali i ish-trajnerit të Arsenalit, David Dein.
Një tjetër futbollist që disa nuk e njohën është Jeremie Aliadiere. Ai ishte vetëm 21 vjeç kur Topçinjtë fituan kampionatin në 2004.Tani 39 vjeç, ai ka rruar kokën dhe është krejtësisht i panjohur.
Nëse nuk keni arritur t'i njihni të gjitha, lexoni më poshtë.
Rreshti i sipërm, nga e majta në të djathtë: Martin Keown, Lee Dixon, Gael Clichy, Darren Dein, Thierry Henry, Jens Lehmann, Jeremie Aliadiere dhe Ray Parlour.
Rreshti i poshtëm, nga e majta në të djathtë : Robert Pires, Patrick Vieira dhe Ian Wright.