Malësi e Madhe, 35-vjeçari kërcënon me armë 26-vjeçaren

Një 35-vjeçar është arrestuar nga policia pasi kërcënoi me armë 26-vjeçaren M.J, pas një konflikti për motive pronësie.

Ngjarja ka ndodhur në fshatin Lohë e Sipërme në Malësi të Madhe.

Kanë qenë banorët e tjerë që njoftuan policinë për ngjarjen. Sipas tyre, Alfred Jakaj qëlloi tre herë me armë në ajër.

Fatmirësisht asnjë person nuk mbeti i lënduar. 35-vjeçari akuzohet për kanosje, prishje të qetësisë publike dhe armëmbajtje pa leje.