Sulmi ndaj Top Channel, Qendra Evropiane për Lirinë e Shtypit dhe Medias: Autoritetet të zbardhin ngjarjen
Reagimeve ndaj ngjarjes së rëndë që tronditi Tiranën në orët e para të mëngjesit të kësaj të hëne, ku roja i sigurisë, Pal Kola, së televizionit “Top Channel” mbeti i vrarë si pasojë e një sulmi me armë ndaj këtij televizioni i është shtuar një reagim i fundit nga Qendra Evropiane për Lirinë e Shtypit dhe Medias.
“Jemi të shokuar kur mësuam se ka ndodhur një sulm me armë zjarri në ambientet e Top Channel në Shqipëri, ku humbi jetën një roje sigurie në objekt.
Ne i shprehim ngushëllimet tona familjes dhe u bëjmë thirrje autoriteteve shqiptare të kryejnë hetime të pavarura dhe profesionale”, thuhet në reagimin e Qendrës Evropiane për Lirinë e Shtypit dhe Medias.
🇦🇱 We are shocked to learn that there has been a firearm attack on the premises of Top Channel in #Albania, which killed a security guard at the facility. We express our condolences to the family & call on Albanian authorities to conduct independent & professional investigations. pic.twitter.com/ZpqKiQ00zg