Bayern Munich ndan rrugët me Julian Nagelsmann dhe zyrtarizon Thomas Tuchel
Tani është zyrtare: Julian Nagelsmann nuk është më trajner i Bayern Munich dhe zëvendësuesi i tij është Thomas Tuchel. Klubi bavarez bëri një deklaratë zyrtare, e cila bashkë me lamtumirën e ish-trajnerit bën të ditur edhe emrin e zëvendësuesit, tashmë të njohur prej disa orësh.
Ja çfarë shkruhet në njoftimin zyrtar:
“Bayern ka ndërprerë bashkëpunimin me trajnerin Julian Nagelsmann. Ky vendim është marrë nga CEO Oliver Kahn dhe drejtori sportiv Hasan Salihamidzic në konsultim me presidentin e klubit Herbert Hainer. Nagelsmann do të zëvendësohet nga Thomas Tuchel, i cili ka kontratë deri më 30 qershor 2025. Ai do të mbikëqyrë seancën e parë stërvitore të ekipit të hënën. Së bashku me Nagelsmann, asistentët Dino Toppmoller, Benjamin Glück dhe Xaver Zembrod do të largohen gjithashtu nga klubi."
Der FC Bayern hat Trainer Julian Nagelsmann freigestellt. Zu dieser Entscheidung kamen der Vorstandsvorsitzende Oliver Kahn und Sportvorstand Hasan Salihamidžić in Abstimmung mit Präsident Herbert Hainer. Nachfolger von Nagelsmann wird Thomas Tuchel.
— FC Bayern München (@FCBayern) March 24, 2023
🔗 https://t.co/NKpG6rjGLr