Po ndiqej nga FBI, një burrë kërcënon të hidhet nga kati i 31-të i një godine në New York
Një ngjarje trilleri po shpaloset nga mëngjesi herët (me orën amerikane) në qendër të New York, ku një burrë i kërkuar nga FBI është mbyllur në një apartament në katin e 31-të të pallatit luksoz CitySpire dhe kërcënon të hidhet në zbrazëti.
I dyshuari, i cili nuk është identifikuar dhe nuk dihet pse po ndiqet nga FBI, ka arritur të hyjë në banesën e katit të 31-të të ndërtesës CitySpire në West 56th Street pranë Central Park dhe ka kërcënuar të zhytet për orë të tëra.
Autoritetet kanë mbërritur menjëherë në vendngjarje, ndërkohë që kalimtarët e rastit po e shohin me frymëmarrje të frenuar ngjarjen, ku zjarrfikësit kanë ngritur një strukturë të madhe fryrëse për të ndaluar rënien e burrit, në rast se ai bën atë që thotë.
🚨#BREAKING: Barricaded suspect, threatening to jump from high-rise building
— R A W S A L E R T S (@rawsalerts) March 22, 2023
📌#Manhattan | #NewYork⁰
Multiple emergency response teams, including the FBI, are presently on-site, tending to a barricaded suspect on the 31st floor, who is currently threatening to engage in… pic.twitter.com/bT76PmRNKb
Sipas DailyMail, bëhet fjalë për një burrë me ngjyrë dhe në pamjet që qarkullojnë në rrjetet sociale, i duken këmbët të varura në ajër, pasi ai vetë është ulur në pragun e dritares, në një lartësi prej qindra metrash.
Gjithçka nisi rreth orës 09:00 të mëngjesit të së mërkurës (Bregu Lindor me orën e SHBA-së, ora 15:00 me orën tonë) me FBI-në në ndjekje të burrit të paidentifikuar.