Legjenda e NBA, Shaquille O'Neal, poston një foto shqetësuese nga shtrati i spitalit
Basketbollisti legjendar Shaquille O'Neal ka shqetësuar publikun me foton e fundit nga spitali që ka publikuar në profilin e tij në Twitter.
Një nga basketbollistët më të mëdhenj të NBA-së postoi një foto të tij të shtrirë në një shtrat spitali me mesazhin se po dëgjonte një podcast të organizuar nga Ernie Johnson dhe Candace Parker.
Me këtë çështje po merren në mënyrë të veçantë mediat amerikane, por aktualisht nuk kanë asnjë informacion se çfarë ka ndodhur me O'Neal dhe pse është shtruar në spital, por shtojnë se ai është ende shumë aktiv në rrjetet sociale, duke mos lënë të kuptohej asgjë.
i’m always watching @TurnerSportsEJ and @Candace_Parker miss y’all pic.twitter.com/4tY4X6v1Pj
— SHAQ (@SHAQ) March 19, 2023
Disa media amerikane shkruajnë se ai i është nënshtruar edhe operacionit në kofshë, por e gjithë kjo është ende e pakonfirmuar.
Shtatë ditë më parë, O'Neal postoi në profilin e tij se po ushtrohej në palestër, me informacionin se vitin e kaluar kishte humbur më shumë se 25 kilogramë.