Ai është thjesht i pathyeshëm: Zlatan Ibrahimovic shkroi historinë e futbollit në Itali
Futbollisti suedez Zlatan Ibrahimovic shkroi mbrëmë historinë e Serisë A italiane dhe u bë lojtari më i vjetër që ka shënuar gol.
Në ndeshjen kundër Udineses, Ibrahimovic fillimisht humbi një penallti, e cila më pas u përsërit dhe në tentativën e dytë, 41-vjeçari rezultoi i suksesshëm dhe shënoi për 1-1, gjë që bëri edhe historinë e Serisë A.
41-year-old Zlatan Ibrahimović becomes the oldest scorer in Serie A history 🍷 pic.twitter.com/TWEDq1GloO
— B/R Football (@brfootball) March 18, 2023
Kështu, ai u bë shënuesi më i vjetër në këtë kompeticion, teksa golin e shënoi në moshën 41 vjeç e 166 ditë. Më parë, rekordin e mbante Alessandro Costacurta, i cili hyri në listën e golashënuesve kur ishte 41 vjeç e 25 ditë, në maj 2007.
🚨🇸🇪 At 41 years & 166 days old, Zlatan Ibrahimović is officialy the oldest ever goalscorer in Serie A history! pic.twitter.com/pxuuhqtWon
— EuroFoot (@eurofootcom) March 18, 2023
Mirëpo, Milani nuk bëri emër në këtë ndeshje dhe pse Ibrahimovic e riktheu në lojë, shumë shpejt pësoi golin e dytë, për të pësuar edhe të tretin në fund të ndeshjes, duke humbur kështu çdo mundësi për të shmangur disfatën.
Zlatan Ibrahimovic makes history!
— Sacha Pisani (@Sachk0) March 18, 2023
He is the oldest goalscorer in Serie A history (41 years and 166 days), eclipsing Alessandro Costacurta (41 years and 25 days, in May 2007).
👴 #UdineseMilan
pic.twitter.com/F150WYME4y
Pas pushimit përfaqësues në turin tjetër, Milani do të vizitojë Napolin, skuadër që tashmë me siguri do të fitojë titullin kampion.
Sa i përket Ibrahimovic-it, ndonëse vetëm pak kohë më parë u rikuperua nga lëndimi që e mbajti jashtë fushës për nëntë muaj, ai do të jetë pjesë e kombëtares që do të tentojë të kualifikohet në Europian. Trajneri suedez Janne Anderson e thirri atë për ndeshjet kualifikuese kundër Belgjikës dhe Azerbajxhanit, që është vetëm një tjetër dëshmi se ai është një njeri që thjesht i kalon kufijtë.