'Ëndërr e bërë realitet', Jasir Asani feston kthimin në Shqipëri për të veshur fanellën kuqezi
Sulmuesi Jasir Asani i cili aktualisht aktivizohet në Korenë e Jugut me Guangju FC, pas shumë vitesh në të cilat priste një ftesë që nuk i erdhi nga trajnerët paraardhës, më në fund e mori një të tilë nga tekniku i ri i kuqezinjve, i cili duket se do të bëjë ndryshime të mëdha në radhët e skuadrës.
Ish-futbollisti i Partizanit e ka pritur me shumë entuziazëm këtë ftesë, për të cilën më parë kishte refuzuar disa herë edhe thirrjet nga Maqedonia e Veriut.
“Ëndërr e bërë realitet. Faleminderit Zot që po më jep mundësi të vesh fanellën e Kombit tim”, shkruante Asani në rrjete sociale pasi u bë publike lista dhe grumbullimi i tij i parë me fanellën kuqezi.