Flor Mumajesi surprizon Efin për ditëlindje, i dedikoi këngë
Efi ka festuar mbrëmjen e djeshme ditëlindjen, në një festë që ka bërë bashkë shumë emra të njohur të showbizzit.
Artistja, e cila festoi me miqtë deri në orët e para të mëngjesit, u suprizuar edhe nga Flor Mumajesi. Kantautori, kishte risjellë një version tjetër të këngës “Mbaroj për ty”. Vetëm se këtë herë kanë qenë miqtë e Efit, që e kanë kënduar, duke i përshtatur edhe tekstin.
“Kjo ishte dhurata me e bukur per mua. Faleminderit shume Flori Mumajesi. Skam fjalë, lotët folën”, shkruan Efi në rrjetet e saj sociale teksa ka publikuar edhe versionin e ri të këngës, që si vetë ajo e ka shprehur është e preferuara e saj.
Në ditëlindjen e saj, kanë qenë Bruno dhe Klajdi që e kanë interpretuar, posaçërisht për ish-banoren e Big Brother, e cila e ka shijuar pafund këtë surprizë.