Gjokutaj: Tre zonat në Tiranë ku policia nuk e ka idenë se çfarë ndodh aty

Avokati Genc Gjokutaj, duke folur në ‘Çim Peka LIVE’ në SYRI TV, është shprehur se janë disa zona të Tiranës,  që policia nuk i ka nën kontroll.

Sipas Gjokutajt, në këto zona të Tiranës, policia nuk e ka idenë se çfarë ndodh në këto zona.

‘Nuk është vetëm Don Bosko.

Janë tre pika në Tiranë që policia nuk i ka nën kontroll, nuk e ka idenë se çfarë ndodh aty.

Është Fresku, komuna e Parisit dhe Don Bosko.

Janë tre pika që policia nuk e ka idenë se çfarë bëhet. Nuk ka adresa, nuk ka asgjë. 5 mln euro pasuri e bllokuar dhe policia nuk bën asgjë.

Tjetri mund të jetë autor vrasjes, dhe tjetri ndalohet për armë mbajtje pa leje, dhe ngrihet gjykata që thotë kjo armë nuk ka kryer vrasje. Dhe është armë në brez. Një person që mban armë në publik, del me armë, ai ka një hall, duhet të hetuar. Ja ku e ke rastin.

Sot dalin nga pikat kufitare. Edhe ai që në pikë kufitare mund të ketë ngritur një postbllok, njoftohet po nga policia dhe del nga brezi i gjelbër. Ai nëse ka një rast alarmant futet nga brezi i gjelbër dhe futet në shtetin tjetër’, u shpreh avokati Genc Gjokutaj në SYRI TV.