VIDEO/ Taulant Seferi në superformë, realizon katër gola në dy ndeshjet e fundit në Ukrainë

Taulant Seferi po kalon një formë mjaft të mirë me skuadrën ukrainase të Vorskla Poltavës, duke gjetur dy herë rrugën e rrjetës në kampionat.

Viktima kësaj radhe ishte skuadra e Veres-Rivne, të cilës sulmuesi i Kombëtares i shënoi në minutën e 25’ të takimit, për të kaluar skuadrën e tij në kampionat.

Sa i përket golit të dytë, Seferi shënoi nga pika e bardhë e penalltisë në minutën e 85′, për të barazuar shifrat në 2-2, rezultat me të cilin u mbyll edhe sfida.

Ky është goli numër 8 në kampionatin ukrainas për ish-in e Tiranës dhe i katërti në dy ndeshjet e fundit. Gjithashtu ai ka shënuar dhe dy gola të tjera me Vorsklën në miqësore.

Seferi scores his 3rd goal in 2 games for Vorskla

They lead 1-0 away v Veres pic.twitter.com/TSYpIij0bM

— Zorya Londonsk (@ZoryaLondonsk) March 12, 2023