SYRI TV/ Këlliçi, takime me banorët e Baldushkut: Ne takojmë qytetarët, Veliaj administratën!

Kandidati i Partisë Demokratike për bashkinë e Tiranës, Belind Këlliçi, zhvilloi takime me banorët të Baldushkut, të cilët shprehën shqetësimin për mungesën e investimeve në këtë zonë. Këlliçi deklaroi se pas 14 majit, banorët do të mund ta zgjedhin vetë administratorin e zonës së tyre. 

Nga SYRI TV

Kandidati i opozitës për bashkinë e Tiranës vijoi turin e takimeve  duke u ndalur në takime me banorët e Baldushkut. Gjatë takimeve,  banorët shprehën  shqetësimin për mungesën e investimeve në infrastrukturë në këtë  zonë, duke akuzuar kryebashkiakun Erion Veliaj se e ka lënë në harresë Baldushkun. 

Këlliçi deklaroi se pjesë e programit të tij është vendosja e një administratori zonal në Baldushk, i cili nuk do të emërohet më nga kryebashkiaku, por do të zgjidhet nga vetë qytetarët.

Banorët  ngritën  shqetësimin edhe për liqenin e fshatit që përdoret për vaditje, për të cilin bashkia jo vetëm që nuk bën riparime, por kur banorët tentojnë të ndërhyjnë me shpenzimet e tyre, policia bashkiake i akuzon për ndërtim pa leje.