Lojtarët e Dortmundit u stërvitën në një vend të jashtëzakonshëm në Londër
Lojtarët e Borussia Dortmund zgjodhën një lokacion krejtësisht të papritur për stërvitjen e fundit në prag të duelit vendimtar kundër Chelseat, sfidë e vlefshme për 1/16-tat e Ligës së Kampionëve.
Lojtarët e Dortmundit, ndryshe nga skuadrat e tjera që shkojnë jashtë, nuk u fshehën në ndonjë vend syrit të publikut.
Në vend të kësaj, verdhezinjtë zgjodhën një fushë publike në Londrën qendrore që historikisht u përdor nga ushtria britanike për ndeshjet e tyre të futbollit. Bëhet fjalë për terrenin e artilerisë në lagjen Islington, ku fusha është e rrethuar nga ndërtesa të larta.
Është një rezidencë private në pronësi të një kompanie pranë regjimentit më të vjetër të ushtrisë britanike. I vendosur pranë Old Street, ky kënd lojrash është i aksesueshëm për të gjithë dhe mund të merret me qira. Një orë seancë futbolli në këtë fushë kushton 1000 £.
Borussia Dortmund trained at the Artillery Ground in Moorgate ahead of their massive #UCL game against Chelsea ⚽️
— SPORTbible (@sportbible) March 7, 2023
The pitch cost £1,000-an-hour to hire. Final preparations in style 😎😂 pic.twitter.com/AwWRrFjcoQ
Aty futbollistët e Dortmundit, të drejtuar nga trajneri Edin Terzic, kanë bërë sot një stërvitje të lehtë para ndeshjes së sotme, duke tërhequr vëmendjen e kalimtarëve dhe vendasve.
Fotografia e parë e një ndeshjeje kriketi u regjistrua në këtë terren. Në 1857, Artileria Mbretërore dhe Hunsdonbury CC u takuan në terrenin e artilerisë dhe fotografia u bë e famshme.
First photo of a cricket match. Royal Artillery vs the Hunsdonbury Cricket Club at the Honourable Artillery Ground, Islington, London, 1857. pic.twitter.com/6akMNuXVZK
— Flashbak.com (@aflashbak) March 8, 2017
Sonte me fillim nga ora 21:00 luhet ndeshja mes Chelseat dhe Dortmundit. Mysafirët nga Gjermania fituan 1-0 ndaj “Bluve të Londrës” dhe shpresojnë se kjo mund të jetë e mjaftueshme për ndeshjen e dytë.