Dy të vdekur nga përplasja e dy aeroplanëve ushtarakë në ajër – njëri prej tyre përfundoi në një rrugë banimi në Romë
Dy aeroplanë ushtarakë U-208 raportohet se janë përplasur tmerrësisht në ajër përpara se të përfshiheshin nga flakët në një rrugë banimi në Romë.
Sipas mediave të huaja, pilotët e tyre thuhet se gjetën vdekjen menjëherë teksa u përplasën me njëri-tjetrin të martën.
Ata po fluturonin mbi Guidonia Montecelio si pjesë e një stërvitjeje të planifikuar paraprakisht kur ata u përplasen në ajër.
Aeroplanët, që i përkisnin krahut të 60-të të Forcave Ajrore, më pas u përplasën përtokë në një zonë banimi pranë aeroportit ushtarak Guidonia.
Siç bëhet e ditur më tej, ata po shoqëroheshin nga dy aeroplanë të tjerë, të cilët fatmirësisht nuk u përfshinë në incident.
Njëri nga aeroplanët thuhet se përfundoi duke u përplasur me një makinë të parkuar në rrugë ndërsa shpërtheu në zjarr.
Ai mbeti i rrëzuar mes dy ndërtesave, duke detyruar një evakuim emergjent në zonë.
Ndërkohë, aeroplani tjetër duket se është rrëzuar në një fushë aty pranë.
Një dëshmitare e tmerruar i tha RomaToday se si e pa incidentin vdekjeprurës të ndodhte “para syve të saj”.
Ajo tha: “I pashë të përplaseshin para syve të mi, ishin 4 aeroplanë”.
Ekipet e shpëtimit janë parë afër rrënojave ndërsa zyrtarët po punojnë për të përcaktuar shkakun e rrëzimit.
#Italy #italien #planecrash #Rome
Two Italian Air Force training planes collided near Rome, both pilots died pic.twitter.com/93YIImgPkS