Rusia: Marrja e Bakhmutit do të lejonte ofensiva të mëtejshme

Ministri rus i mbrojtjes Sergei Shoigu tha se kapja e Bakhmut do t'i lejonte forcat e Moskës të kryenin operacione të mëtejshme sulmuese.

Shoigu tha gjithashtu se Perëndimi po shtonte dërgesat e tij të armëve në Ukrainë, por premtoi se nuk do të ndryshonin rrjedhën e ngjarjeve në fushën e betejës.

"Çlirimi i Artemovsk vazhdon," tha Shoigu në fjalimet televizive, duke përdorur emrin e vjetër të epokës sovjetike për Bakhmut.

“Qyteti është një qendër e rëndësishme për mbrojtjen e trupave ukrainase në Donbas. Marrja e tij nën kontroll do të lejojë që veprimet e mëtejshme sulmuese të kryhen thellë në linjat mbrojtëse të Ukrainës”, tha Shoigu.

Bakhmut do të bëhej përparimi i parë territorial i Rusisë që nga vera e kaluar nëse trupat do të merrnin kontrollin e qytetit.