Vatikani ia kthen skulpturat e Parthenonit, Greqisë, në fund të marsit

Vatikani dhe Greqia po finalizojnë një marrëveshje për kthimin e tre fragmenteve të skulpturës nga Partenoni që janë në koleksionin e Muzeut të Vatikanit prej dy shekujsh.

Fragmentet pritet të mbërrijnë në Athinë gjatë këtij muaji me një ceremoni më 24 mars të planifikuar për t'i marrë ato.

Vatikani e ka cilësuar kthimin një "dhurim" ekumenik për kryepeshkopin e krishterë ortodoks të Athinës dhe të gjithë Greqisë, jo domosdoshmërisht një transferim nga shteti në shtet.

Megjithatë, ai ushtron presion mbi Muzeun Britanik për të përfunduar një marrëveshje me Greqinë mbi fatin e koleksionit të saj shumë më të madh të skulpturave të Parthenonit.

Muzeu Britanik ka refuzuar me dekada, thirrjet nga Greqia për të kthyer koleksionin e tij shumë më të madh të skulpturave të Parthenonit, të cilat kanë qenë një pjesë qendrore e muzeut që nga viti 1816.

Megjithatë, në fillim të këtij muaji, kreu i Muzeut Britanik tha se Mbretëria e Bashkuar dhe Greqia po punonin për një marrëveshje që do të shihte skulpturat prej mermeri të Parthenonit të institucionit të tij të ekspozoheshin si në Londër ashtu edhe në Athinë.