Goli i parë me Partizanin erdhi në derbi, Mba: Ishte për tifozët, janë më të mirët

Kristian Mba shkroi një copëz histori në derbin e Shqipërisë.

Golin e parë me Partizanin e shënoi pikërisht kundër Tiranës dhe bindi ata që kishin filluar të dyshonin për aftësitë e tij.

Për “Panorama Sport”, sulmuesi 23-vjeçar deklaroi se golin ua dedikonte tifozëve të Partizanit dhe se ata ishin më të mirët.

“Ishte një fitore e rëndësishme për Partizanin dhe mendoj se kam shënuar një gol me peshë. A ishte më i rëndësishmi në karrierë? Jo, ishte një ndër më të rëndësishmit. Golin dhe fitoren ia dedikoj tifozëve të Partizanit. Ata janë më të mirët këtu. Nuk ka si ata”, u shpreh Mba pas ndeshjes.