Xhaka përshkruan fitoren spektakolare në shtesë të Arsenalit

Arsenali ka shënuar fitore spektakolare me përmbysje në rezultat kundër Bournemouthit.

“Topçinjtë” triumfuan 3-2 kundër Bournemouthit në stadiumin “Emirates” në kuadër të javës së 26-të në Premierligë.

Pas përfundimit të ndeshjes ka reaguar edhe mesfushori me prejardhje nga Kosova, Granit Xhaka.

Futbollisti shqiptar që përfaqëson Zvicrën e ka përshkruar me pak fjalë triumfin e londinezëve në këtë përballje.

“Absolutisht e pabesueshme! Ky ekip” – ka shkruar Xhaka në Instagram duke ndarë edhe një fotografi gjatë festës së tij me bashkëlojtarin në golin e tretë të arritur në minutën e tetë shtesë nga Nelson.