‘Qendra shëndetësore primitive’/ Boçi nxjerr FOTO-t: Qytetarët do t'i vënë vulën në 14 maj abuzimit
Kandidati i PD-së për zgjedhjet lokale në 14 maj në Bashkinë e Elbasanit, deputeti Luçiano Boçi ka denoncuar gjendjen primitive të qendrës shëndetësore në Papër.
Në postimin e tij në Facebook, Boçi ka shpërndarë foto të qendrës shëndetësore e cila është në gjendje të mjerueshme dhe ka theksuar se ‘qytetarët do t'i vënë vulën në 14 maj papërgjegjshmërisë dhe abuzimit’.
Postimi i plotë:
Qytetarët do t'i vënë vulën në 14 maj papërgjegjshmërisë dhe abuzimit! A mund të jetë kjo një qendër shëndetësore ku mund të marrësh shërbime?
A meritojnë banorët në Papër që kur kërkojnë shërbime shëndetësore të shohin këto pamje primitive?
Në 14 maj secili i bën kalkulimet me veten, me familjen, me qytetin.
#TiEbanNdryshimin
#ElbasaniKaNevojëPërTy🇦🇱