Zelenskyy zotohet t’i përgjigje sulmit me raketa në Zaporizhzhia

Presidenti ukrainas Volodymyr Zelenskyy paralajmëroi të enjten se Kievi do t'i përgjigjet sulmit të fundit raketor të Rusisë në Zaporizhzhia, si ushtarakisht ashtu edhe ligjërisht.

Ai i bëri komentet gjatë fjalimit të tij të natës.

“Okupatori në mënyrë të pashmangshme do të ndjejë forcën tonë. Forcën e drejtësisë në çdo kuptim të fjalës. Dhe dua të falënderoj të gjithë ekipet e shpëtimit që  kanë pastruar rrënojat e apartamenteve, një bllok që u shkatërrua nga raketa që një natë më parë, "tha Zelenskyy.

Fjalimi i tij pasoi takimet me presidentin brazilian Luiz Inacio Lula da Silva, ku të dy diskutuan "përpjekjet diplomatike për të ndaluar agresionin rus".

Goditet Zaporizhzhia

Të enjten, të paktën tre persona u konfirmuan të vdekur pasi një raketë ruse goditi një bllok apartamentesh pesë-katëshe në Zaporizhzhia.

Para pushtimit rus të Ukrainës pak më shumë se një vit më parë, qyteti juglindor kishte një popullsi prej 700,000 banorësh. Është parë si një pikë strategjike e kapjes për Moskën, pasi Zaporizhzhia është vendi ku gjendet termocentrali më i madh bërthamor në Evropë.

Rusia mohon të ketë goditur me dronë dhe raketa kundër civilëve, por pamjet ajrore që fluturojnë mbi qytetet anë treguar shkatërrim në shumë qendra urbane të Ukrainës.