Dronët fluturojnë thellë brenda Rusisë, Putin urdhëron kontroll të rreptë të kufirit

Kiev, Ukrainë - Dronët që Kremlini tha se ishin nisur nga Ukraina, fluturuan thellë brenda territorit rus, duke përfshirë një që arriti brenda 100 kilometrave larg nga Moska, duke sinjalizuar shkelje të mbrojtjes ruse dhe Presidenti Vladimir Putin urdhëroi mbrojtje të shtuar në kufi.

Zyrtarët thanë se dronët nuk shkaktuan lëndime dhe ndonjë dëm të konsiderueshëm, por sulmet e së hënës mbrëma dhe të martën në mëngjes ngritën pikëpyetje në lidhje me aftësitë mbrojtëse ruse më shumë se një vit pas pushtimit të plotë të vendit ndaj fqinjit të saj.

Zyrtarët ukrainas nuk e morën menjëherë përgjegjësinë, por ata në mënyrë të ngjashme kanë shmangur pranimin e drejtpërdrejtë të përgjegjësisë për sulmet dhe sabotimet e kaluara, duke theksuar të drejtën e Ukrainës për të goditur çdo objektiv në Rusi.

Megjithëse Putin nuk iu referua ndonjë sulmi specifik në një fjalim në kryeqytetin rus, komentet e tij erdhën disa orë pasi dronët vunë në shënjestër disa zona në Rusinë jugore dhe perëndimore. Autoritetet mbyllën hapësirën ajrore mbi Shën Petersburg në përgjigje të asaj që disa raporte thanë se ishte një dron.

Gjithashtu të martën, nga disa stacione televizive ruse buçitën sirenat e alarmit ajror, por që zyrtarët shpjeguan se ishte një sulm hakerash.

Sulmet me dron synonin rajone brenda Rusisë përgjatë kufirit me Ukrainën dhe më thellë në vend, sipas autoriteteve lokale ruse.