Benzema humb ceremoninë ku u kurorëzua Messi, sulmuesi francez dërgoi një mesazh domethënës
Sulmuesi francez Karim Benzema nuk ishte i pranishëm në ceremoninë e mbrëmshme të çmimit The Best, por gjithsesi arriti të tërheqë vëmendjen e mediave botërore.
Kështu, pasi fituesi i çmimit për lojtarin më të mirë në botë të zgjedhur nga FIFA, Lionel Messi, mbajti fjalimin e tij, Benzema foli përmes rrjeteve sociale.
Fituesi aktual i Topit të Artë ka lënë shumë njerëz të mahnitur pasi ka postuar një video në Instagram të një shoferi që flet paqartë në frëngjisht me mesazhin: "Natën e mirë".
Ndërsa disa besojnë se ishte një mesazh pakënaqësie, të tjerë mendojnë se me këtë njoftim ai ka dashur të tregojë se nuk është shumë i interesuar për çmimin The Best.
La dernière story Instagram de Benzema. pic.twitter.com/3rSPAZ4GWX
— Instant Foot ⚽️ (@lnstantFoot) February 27, 2023
Kujtojmë se Messi fitoi me 52 pikë, Kylian Mbappé ishte i dyti me tetë pikë më pak, ndërsa Benzema i treti me 34 pikë.
Argjentinasi padyshim që mori avantazhin për shkak të fitimit të Kupës së Botës me kombëtaren, ndaj Benzema nuk e vazhdoi serinë e çmimeve fituese që nisi në tetor të vitit të kaluar duke fituar Topin e Artë.
Meqë ra fjala, asnjë nga përfaqësuesit e Realit që ishin në garën për çmime individuale apo ekipi i sezonit nuk u paraqit në ceremoninë e zhvilluar në Paris.