Debate dhe ofendime në emision, Bora Zemani nxjerr jashtë konkurentin e 'Për’puthen'
Një situatë e paparashikuar ka ndodhur në emisionin “Për’puthen Prime” gjatë të dielës në mbrëmje, kur konkurenti Viktori u përfshi në një debat me opinionisten Neda Balluku.
Teksa opinionistja po komentonte takimet dhe njohjet që po zhvillon konkurrenti në program, ky i fundit i ngriti zërin duke e kundërshtuar. Por, nuk u ndal me kaq. Ai i përmendi Nedës familjen dhe përdori një koment të ulët për shtatzëninë e saj.
Menjëherë më pas, moderatorja Bora Zemani i kërkoi Viktorit të lërë studion.
I nervozuar dhe me ofendimet që nuk i kurseu, ai doli nga skena, ndërkohë që Bora theksoi se do të ketë një vendim nga produksioni për këtë incident, raporton TCH.