Vdekja nga mbidoza/ Husa mbetet në burg: Trupin e mbajta për 10 ditë! Me ne ishte edhe shoku i Eltonit

Gjykata e Tiranës cakton arrest në burg për 47-vjeçarin Majdiel Husa, i cili akuzohet se nuk kallëzoi në polici vdekjen nga mbidoza të shokut të tij, Elton Tahiri. Sipas prokurorisë, Husa akuzohet për veprën penale 'veprime që pengojnë zbulimin e së vërtetës'. 47-vjeçari ka deklaruar se me Tahirin ishin njohur në komisariatin e Rinasit, pasi më datë 1 shkurt kur ishin kthyer me deportim nga Gjermania.

"Bashkë me ne ishte edhe një shoku i Eltonit. Pritëm njëri-tjetrin deri sa dolëm nga komisariati dhe të tre bashkë shkuam në shtëpinë time në Laprakë pasi unë jetoj i vetëm. Gjatë rrugës blemë kokainë dhe heroinë nga një i njohuri im.

Eltoni injektoi shumë në trup dhe u bë keq. E solla në vete për një moment dhe më pas u shtrimë për të fjetur. Kur jam zgjuar të nesërmen, shkoj tek dhoma e gjumit ku pashë vetëm Eltonin duke fjetur akoma, ndërkohë që shoku i tij kishte shkruajtur një letër ku thoshte: "Siç duket Eltoni do flerë dhe ca. Unë po shkoj tek familja ime meqë po më presin dhe pastaj do kthehem prapë".

Më ka habitur që Bledari e kishte lënë Eltonin, vetëm pasi ai e konsideronte si vëlla.

Unë kam dal nga banesa dhe kam takuar një shok. Kam blerë sërish drogë dhe kam shkuar në shtëpi. Pashë që Eltoni flinte dhe kam takuar një shokun tim dhe i kam thënë "kur do ikë ky se më ka zënë derën". Kam dal sërish dhe kur kam shkuar në shtëpi, kam parë që Eltoni nuk merrte frymë.

Për 10 ditë e mbajta në shtëpi trupin. Unë flija nga dhoma tjetër.

Mbrëmjen e 12 shkurtit kam marrë me qira një makinë dhe trupin e Eltonit e çova në Bërxullë.

Të nesërmen pashë lajmet që raportonin për gjetjen e tij dhe mendovaL "policia do e shohë që ka vdekur nga mbidoza dhe nuk do merren me mua".

Kisha frikë të tregoja".