E ardhmja e pasigurt e Mourinhos: Ka interes nga PSG, Real Madrid apo edhe Inter

E ardhmja e ekspertit portugez të futbollit Jose Mourinho është ende një “temë e nxehtë” në Itali dhe raportet e fundit përmendin klubin me të cilin ai arriti sukses të madh në vitin 2010 si destinacioni i tij i mundshëm.

Mourinho pati një sezon të mrekullueshëm te Roma, tregoi shenja të zhvillimit të një projekti të fortë dhe fitoi Ligën e Konferencës, por në muajt e fundit tensionet janë rritur.

Mourinho ka filluar të shprehë zhgënjimin e tij me tifozët e Romës dhe kritikat e tyre të pafundme, si dhe është i zhgënjyer me punën e bërë gjatë merkatos. Javën e kaluar dolën informacione se PSG është e interesuar për portugezin si zëvendësues të Cristophe Galtier dhe “La Repubblica” thekson se Mourinho do ta mendojë seriozisht të ardhmen e tij në javët e ardhshme. Si opsion i tij u përmend PSG, por edhe klubet që ka drejtuar më parë, Real Madrid dhe Inter. Zikaltërit po mendojnë të ndahen nga Simone Inzaghi dhe të rikthejnë trajnerin që u solli kurorën e trefishtë në vitin 2010.

Deri më tani asgjë nuk është konkrete, por largimi i Mourinhos nga Roma është gjithnjë e më i sigurt.