VIDEO-SKANDALI/ Ja kush firmosi për përjashtimin e deputetëve të PD

Gjashtë deputetë të tjerë të Partisë Demokratike janë përjashtuar nga punimet e Kuvendit.

Sekretariati i Etikës vendosi që Edmond Spaho, Oerd Bylykbashi, Elda Hoti dhe Sorina Koti nuk do të lejohen në seancë për 10 ditë, ndërsa Lindita Metaliaj është përjashtuar për 5 ditë dhe Greta Bardeli për 3 ditë.

Ky vendim krijon një tjetër situatë të paprecedentë dhe konfirmon se Kuvendi si organ është nën kontrollin e plotë të kreut të ekzekutivit.

Por skandali nuk ndalet me kaq.

Deputeti i PS, Baftjar Zeqaj, i cili u kap duke votuar për kolegen në seancë parlamentare është një nga deputetët që ka firmosur për përjashtimin e deputetëve të opozitës.

Kërkesa mban firmëtar të parë Baftjar Zeqajn, i cili u kap nga media duke shkelur Rregulloren e Parlamentit pasi votoi hapur për kolegen socialiste e cila nuk ndodhej në seancë.

Me këtë vendim, rreth gjysma e grupit parlamentar të PD është përjashtuar nga seancat e fundit parlamentare.