Ukraina kryeson axhendën e ministrave të Jashtëm të BE në Bruksel

Ministrat e Punëve të Jashtme të BE-së janë mbledhur sot në Bruksel për të diskutuar mbi luftën në Ukrainë dhe një paketë të re të mundshme sanksionesh kundër Rusisë.

Këshilli i Punëve të Jashtme, i kryesuar nga shefi i politikës së jashtme të BE-së, Josep Borrell, do të shkëmbejë mendime mbi agresionin rus kundër Ukrainës, pas një takimi paraprak jozyrtar me Ministrin e Punëve të Jashtme të Ukrainës, Dmytro Kubela.

Çështje të tjera në axhendë përfshijnë Afganistanin, Iranin dhe diplomacinë e energjisë dhe klimës.

Ndërkohë, Borrell tha se ishte siguruar nga diplomati i lartë kinez Ëang Yi se Pekini nuk do ta furnizonte me armë Rusinë.

Borrell u takua me Ëang në Konferencën e Sigurisë në Mynih gjatë fundjavës. Shtetet e Bashkuara kanë thënë se Kina po përgatitet të sigurojë armë për Moskën, por edhe Ministria e Jashtme e Pekinit e ka hedhur poshtë pretendimin.

Borrell tregoi se i tha Ëang se "për ne, kjo do të ishte një vijë e kuqe në marrëdhënien tonë. Ai më tha se ata nuk do ta bëjnë këtë, se ata nuk planifikojnë ta bëjnë atë. Por ne do të jemi vigjilentë".

Borrell tha gjithashtu se Bashkimi Evropian duhet të sigurojë që Ukraina të ketë municion të mjaftueshëm për të vazhduar luftën e saj kundër pushtimit rus.

"Unë pata një bisedë me të dhe shpreha shqetësimin tim të fortë për sigurimin e armëve nga Kina për Rusinë. Dhe duke i kërkuar që të mos e bënte këtë,  duke shprehur jo vetëm shqetësimin tonë, por edhe faktin që për ne, kjo do të ishte një vijë e kuqe. Ai më tha se nuk do ta bëjnë, nuk kanë në plan ta bëjnë. Por ne do të jemi vigjilentë." thotë Borrell.