VIDEO/ Makina përplas 16 vjeçarin në Korçë, i mituri përfundon në spital

Një aksident i rëndë me një të plagosur ka ndodhur në unazën jugore të qytetit të Korçës.

Konkretisht ngjarja ka ndodhur në rrethrrotullimin e Fajancës, vend i cili është kthyer në burim aksidentesh të shumta.

Sipas policisë një 16 vjeçar ka qënë duke kaluar nga një anë të rrugës në anën tjetër ku është goditur nga mjeti tip" Citroen".

Nga goditja 16 vjeçari ka marrë dëmtime dhe ndodhet në spitalin e Korçës për ndihmë mjekësore. Burime pranë këtij spitali thanë se i plagosuri ndodhet jashtë rrezikut për jetën.

Rrethrrotullimi i Fajancës ka pasur aksidente të shumta kjo edhe për shkak  se ky segment unaze ndan dy qëndra banimi.

Aksidentet sipas banorëve vijnë edhe për shkak të mungesës së një nënkalimi po ashtu edhe të mungesës së sinjalistikës dhe ndriçimit rrugor.