Denoncimi/ PD Kavajë: Kryebashkiaku uzurpon ekskursionet mësimore, që zhvillojnë të rinjtë e gjimnazit

Partia Demokratike Dega Kavajë ka denoncuar kryebashkiakun Redian Krali se ka marrë pjesë në ekskursionet mësimore, që zhvillojnë të rinjtë e gjimnazit “Aleksandër Moisiu”.

‘Si mundet një kryetar bashkie, të marrë pjesë në ekskursionet mësimore, që zhvillojnë të rinjtë e gjimnazit “Aleksandër Moisiu”, kur shkolla është ligjërisht e depolitizuar dhe ndalohet rreptësisht përdorimi i saj për qëllime politike dhe propagandistike?!’, shkruhet në postimin e bërë në Facebook nga Partia Demokratike Dega Kavajë.

Postimi i plotë:

Si mundet një kryetar Bashkie, të marrë pjesë në ekskursionet mësimore, që zhvillojnë të rinjtë e gjimnazit “Aleksandër Moisiu”, kur shkolla është ligjërisht e depolitizuar dhe ndalohet rreptësisht përdorimi i saj për qëllime politike dhe propagandistike?!

Do të doja  t’jua kuptoja dëshirën për të rikuperuar ndjesitë dhe njohuritë e mohura  nga mungesa e gjimnazit, por fatkeqësisht kjo nuk është as mënyra e as koha e duhur për t’i zhbërë këto komplekse. ??‍♂️

Lerini të rinjtë të shijojnë festën e tyre dhe mësuesit të bëjnë me dinjitet punën e tyre!

#PartiaDemokratike

#FisnikQosja

#14MajDitaeNdryshimi

#BashkëpërNdryshimin