U shty brutalisht nga Sergio Ramos, fotografi e fal publikisht yllin e PSG-së
Fotografi i cili u shty brutalisht nga Sergio Ramos pas takimit mes PSG-së dhe Bayernit, foli dhe komentoi të gjithë incidentin.
Pas ndeshjes në të cilën u mposhtën nga Bayerni me rezultat 1-0, lojtarët e PSG-së shkuan në tribunë tek tifozët më të zjarrtë të skuadrës së tyre dhe rreth tyre ishin shumë fotografë që bënin punën e tyre.
Një nga fotografët ka dashur t'i afrohet Neymarit për të bërë një foto dhe ka qëndruar pranë Ramos, për të cilën ish-përfaqësuesi spanjoll ka reaguar në mënyrë agresive dhe e ka larguar me duar.
Kjo lëvizje e mbrojtësit të PSG-së u dënua menjëherë dhe në fund foli fotografi i cili ishte viktimë e nervozizmit të Ramos.
Markus Gilliar njoftoi se Ramos personalisht i kërkoi falje për atë që bëri dhe fotografi e fali.
"Surpriza e mbrëmjes: Sergio Ramos më kontaktoi personalisht dhe kërkoi falje për sjelljen e tij. Falja pranohet, çështja u mbyll", ka shkruar Gilliar në Instagram.