Vendimi i diskutueshëm i arbitrit në sekondat e fundit të ndeshjes: A është dëmtuar Juventusi?

Juventus dhe Nantes barazuan mbrëmë në Torino (1-1) në ndeshjen e parë të fazës me eliminim direkt në Europa League dhe pas ndeshjes, më e përfolur është situata e diskutueshme e ndodhur në sekondat e fundit të ndeshjes.

Domethënë, sipas shumë tifozëve të futbollit, Zonja e Vjetër u dëmtua nga gjyqtari portugez Joao Pinheiro, pasi ky i fundit nuk akordoi një penallti të pastër në favor të bardhezinjve.

Në një situatë të diskutueshme, lojtari i skuadrës mike, Centonza hoqi me dorën topin që po shkonte drejt rrjetës pas goditjes me kokë të Bremerit.

Arbitri nga salla e VAR-it, Tiago Martins, e ftoi Pinheiron të shikonte videon, pasi vlerësoi se kishte elementë për penallti. Shikoni situatën e diskutueshme këtu .

📸 - A VAR check for a possible Juventus penalty in the 98th minute of the game but the referee says NO PENALTY! HUGE CALL! pic.twitter.com/hHOM1vsxzb

— 𝐀𝐅𝐂 𝐀𝐉𝐀𝐗 💎 (@TheEuropeanLad) February 16, 2023

Portugezi më pas shkoi të shikonte videon, pas së cilës zbuloi se Bremer më parë kishte kryer një faull në sulm, të cilin ai e dha përfundimisht.

Me atë vendim ai la në mosbesim të gjithë tifozët dhe lojtarët e Juventusit dhe trajneri Massimiliano Allegri nga inati shkoi menjëherë në dhomat e zhveshjes.

Megjithatë, ai është kthyer shpejt, e ka ndjekur ndeshjen nga pankina deri në fund dhe më pas me një buzëqeshje të thartë ka uruar kolegun e tij në krahun tjetër për rezultatin.

Kujtojmë se ndeshja e kthimit mes Nantes dhe Juventusit do të luhet pas shtatë ditësh.