Tentoi të rrëmbente një foshnje në një spital në provincën Hatay, arrestohet 55-vjeçari
Një burrë është arrestuar në provincën Hatay të Turqisë teksa po përpiqej të rrëmbente një foshnjë në një spital, duke përfituar nga kaosi i shkaktuar nga tërmeti vdekjeprurës që ka shkatërruar pjesën jugore të vendit.
Tërmeti me magnitudë 7.8 i 6 shkurtit shkatërroi këtë krahinë, afër kufirit me Sirinë, duke shkaktuar mbi 40 mijë viktima në Turqi dhe Siri.
55-vjeçari, i cili shkoi në Hatay nga Ankaraja, shkoi në një spital në qytetin e Samandag, ku tha se ishte një ish-oficer policie dhe kërkoi t’i jepnin një fëmijë, emrin e të cilit nuk e përmendi.
Në një video prej 20 sekondash të publikuar nga agjencia turke e lajmeve, shihet një burrë me një këmishë ngjyrë të errët, duke kërkuar t’i dorëzohet foshnja, përpara se të dëgjohen britmat dhe të ngrihet alarmi.
Burri u arrestua, ndërsa policia i gjeti disa karta identiteti false dhe një shumë të konsiderueshme parash: 53,000 lira turke, afërsisht 2,600 euro. I dyshuari gjithashtu kishte një armë “me dy karikatorë dhe 42 fishekë ” në makinën e tij, sipas televizionit NTV.
Ministria turke e familjes njoftoi ditën e djeshme se 1396 fëmijë të pashoqëruar janë regjistruar në zonat e prekura nga tërmeti.
Prej tyre, 508 u janë dorëzuar familjeve të tyre.
The person who tried to take a baby from the hospital in Samandağ, Hatay with a fake police identity, was noticed and caught by the people in the hospital.#Turkey #TurkeyEarthquake #Turkiye #TurkeySyriaEarthquake #TurkeyQuake #earthquake #earthquakeinturkey #earthquakes pic.twitter.com/FheYFIvdzQ
— Srinivasan (@icanmake2) February 15, 2023