'Çfarë dite është sot?' Pyetja e gruas pasi u nxor nga rrënojat në Turqi
Më shumë se dhjetë ditë pasi një tërmet i fuqishëm tronditi Turqinë dhe Sirinë, ekipet e shpëtimit po nxjerrin ende njerëzit nga rrënojat.
Të mërkurën, Ministria e Mbrojtjes e Turqisë publikoi një video që tregon shpëtimtarët duke nxjerrë një grua 77-vjeçare nga mbeturinat në qytetin e Adiyaman të martën, rreth 212 orë pas tërmetit.
“Çfarë dite është sot”, pyeti shpëtimtarët Fatma Gungor kur u nxor e gjallë pas 228 orësh të qëndrimit nën rrënojat në Adiyaman, raporton cnn.
Personeli i shpëtimit, Mehmet Eryilmaz foli për momentin kur gjetën gruan dhe tha se “Nëna ishte e lumtur që na pa. Në fillim ia mbajta dorën. Ne folëm, biseduam dhe e qetësuam atë”.
Gjithashtu të mërkurën, një tjetër grua e identifikuar si 45-vjeçarja Melike İmamoglu, u shpëtua pas 222 orësh nën rrënojat e qytetit të Kahramanmarasit.
Ndryshe, shteti turk dhe sirian deri më tani ka regjistruar mbi 40 mijë viktima shkaku i dy tërmeteve të fuqishme që kanë goditur këto dy vende.
Une femme de 77 ans, Fatma Gungor, a été sauvée des décombres à Adiyaman mardi 14 février, 212 heures après le double séisme qui a frappé la Turquie et la Syrie pic.twitter.com/dNX0NVcbZT
— TRT Français (@trtfrancais) February 15, 2023