VIDEO/ Aksident me vdekjë në Lezhë, Benzi përplas për vdekje një këmbësor

Një aksident ka ndodhur mbrëmjen e sotme në hyrje të qytetit të Lezhës.

Si pasojë e aksidentit ka ndërruar jetë një person rreth 40-vjeç.

Ende nuk dihet identiteti i viktimës, ndërsa policia ndodhet në vendngjarje.

Njoftimi i policisë:

Lezhë / Informacion paraprak 

Rreth orës 20:00, në hyrje të qytetit Lezhë, konkretisht në afërsi të "Kryqëzimit të Shëngjinit", shtetasi N. S. duke drejtuar automjetin e tij ka aksidentuar një këmbësor të gjinisë mashkull, akoma i paidentifikuar, i cili është dërguar në spital por si pasojë e plagëve të marra ka ndërruar jetë.

Drejtuesi i mjetit ndodhet i shoqëruar në ambientet e policisë për veprime të mëtejshme procedurale.

Grupi hetimor në vendin e ngjarjes vazhdon veprimet hetimore për zbardhjen e shkaqeve të aksidentit dhe identifikimin e viktimës.